FlyArystan Астанадан Бішкек және Баку бағыттарында билет сатылымын ашты

Астана мен Бішкек арасындағы рейстер 1 маусымнан бастап 31 тамызға дейін аптасына екі рет — сейсенбі және жексенбі күндері орындалады. Астанадан Баку бағыты бойынша рейстер 2 маусымнан бастап дүйсенбі және жұма күндері — аптасына екі рет орындалады.

Бұған дейін әуекомпания 2025 жылғы көктем-жаз навигациясына әуебилеттер сатылымы басталғанын хабарлаған болатын.

Қазірдің өзінде жолаушылар FlyArystan мобильді қосымшасы мен www.flyarystan.com ресми сайтынан немесе басқа да сату арналары арқылы Бішкек, Баку және басқа да халықаралық әрі ішкі бағыттарға ең қолайлы бағамен билеттерді сатып ала алады.