FlyArystan кезекті рет Airbus A320 ұшағына ие болды

Әуе кемесі Recaro брендінің кең және ыңғайлы орындықтарымен жабдықталған. Барлық Airbus A320 модельдері секілді, жолаушылардың ыңғайлылығы үшін ұшақ салонында төмен шу деңгейі және көптеген жарықтандыру нұсқалары қарастырылған.

«Airbus A320 біздің желі үшін тиімділігімен ғана емес, сонымен қатар қысқа және орта қашықтыққа ұшу үшін әлемдегі ең ыңғайлы ұшақтардың бірі ретінде танылған. Бұл толығу біздің жолаушыларымызға үздік саяхат тәжірибесін ұсынуға деген ұмтылысымызды көрсетеді. Әсіресе, авиацияда жоғары сұраныс маусымы болып табылатын жазғы кезеңде бұл аса маңызды», - деді FlyArystan президентінің м. а. Ричард Леджер.

Ұшақ атауын дәстүр бойынша әуе компанияның жолаушысы таңдады. Бұл жолы ұшақ атауын әуекомпания рейсінің жолаушысы Алматы әуежайының жаңа халықаралық терминалында анықтады. Аттас жұлдыздың құрметіне ұшақ «Альтаир» атауына ие болды. Ол қазақстандық лоукостердің әуе паркіндегі 23-ші ұшақ ретінде тіркелді.