FlyArystan Нұр-Сұлтаннан Бішкекке қатынайды

FlyArystan әуе компаниясының баспасөз қызметі 23 маусымнан бастап Нұр-Сұлтан – Бішкек жаңа бағытының ашылатынын хабарлады.

Рейстер дүйсенбі және бейсенбі күндері Airbus A320 жайлы ұшақ борттарымен жасалады деп жоспарланған. Билеттер құны 14 900 теңгеден басталады.

Науқандық бағамен билетті 29 мамырға дейін сатып алуға болады. Мұндай билеттер саны шектеулі.

Еске саламыз:

• Билеттер ұшақ бортында кездейсоқ орын мен 5 кг-дық қолжүгінің 1 бірлігін қамтиды (56*23*36 см);
• Билеттерді брондау кезінде тарифтік пакеттерге назар аудару қажет, өйткені бұл уақытта 60% дейінгі жеңілдікпен жолжүгі бар билеттерді сатып алуға болады.