FlyArystan ұшу кестесін қалпына келтірді

FlyArystan әуекомпаниясы 2022 жылдың 19 қаңтарынан бастап төтенше жағдайға дейінгі кестеге сәйкес рейстерді орындай бастады. Тұрақты әуетасымалдау ішкі және халықаралық бағыттарда орындалады, оның ішінде Түркия, Қырғыстан, Ресей, Грузия мен Өзбекстан, БАӘ бар.

2022 жылдың 17 қаңтарынан бастап барлық жолаушылар (оның ішінде ҚР екпе алған азаматтары) ПТР сынамасының теріс нәтижесі болған жағдайда ғана Қазақстанға келе алады. Анықтама тестті тапсырған сәттен бастап 72 сағат жарамды. Осыған байланысты ҚР кірудің жаңартылған ережелерімен алдын ала танысу қажет.

«FlyArystan ұшып жүрген шет елдерге кіруге қойылатын талаптармен біздің сайтта танысуға болады. Әр елде талаптар өзгеше екеніне назарыңызды саламыз. Жолаушыларға қосымша қызметтер ұсынылады, соның ішінде жолжүк, спорттық құрал-жабдықтарды немесе жануарды тасымалдау, тамақтану мен тағы басқасы» делінген компания таратқан хабарламада.