Главная Новости Ғалия Абралиева: Пошта қызметінің болашағына сенемін
26 қыркүйек 2022, 15:15 353

Ғалия Абралиева: Пошта қызметінің болашағына сенемін

Ғалия Абралиева: Пошта қызметінің болашағына сенемін

Пошташылардың төл мерекесі жақындап келеді. БҰҰ жүйесінде атап өтілетін халықаралық күннің бірі – қазанның 9-ы күні тойланатын Дүниежүзілік пошта күні.

«Құрметті байланысшы» Ғалия Абралиева – «Қазпошта» АҚ  Хабтарды және логистикалық желілерді басқару департаментінің бас менеджері.

 

«Кішкентай кезінде қыздар қуыршақпен ойнаса, мен ауылға келетін пошташыны аңдып жүруші едім. Алматы облысының Балқаш ауданындағы Бақбақты елдімекенінде тұрамыз. Газет-журналын құшақтап пошташы келгенде біздің ауылда кәдімгідей мереке болатын. Бірі алыстағы ағайыннан хат алып қуанып жатса, енді бірі газетке жазылған жаңалықтарды үлкендерге жарыса оқып жатады. Содан болар менің пошташыға деген құрметім ерекше болды. Соның іс-қимылын қайталап, тізілген кітаптың арасына газеттерді қыстырып ойнайтынмын. Бойжетіп мамандық таңдаған кезде ойланбастан кәсіптік-техникалық училищесіне түсіп, баспасөз өнімдерін жөнелту және жеткізу байланысының сорттаушы операторы атандым. Кейін Алматы Байланыс электротехникумын, Алматы энергетика және байланыс институтын қызыл дипломмен  бітірдім», – дейді Ғалия Абралиева.

Бір қызығы, Ғалия Абралиева училище, техникумды орыс тілінде бітірсе де, туған тіліне деген құрметін жоғалтпаған. Тіл жанашыры. Үнемі ізденіп, кітап оқып жүреді. Кеше ғана «Тілім менің – тірлігімнің айғағы» «Қазпошта» қызметкерлері арасында өткен байқауда Ахмет Байтұрсынұлының «40 мысалын» оқып, көрерменді тәнті етті. Тәжірибелі маман бос уақытында тоқыма тоқиды.

«Пошта – ежелгі заманнан әртүрлі тәсілмен халыққа қызмет көрсетіп келе жатқан сала. Сондықтан тұтынушылары көп болатынына сенімдімін. Заманауи талапқа сай көрсететін қызметі де көбейді. Бұл туралы бірі білсе, бірі білмейді. Дегенмен, мен «Қазпоштаның» болашағына сенемін», – дейді Ғалия Абралиева.

Жаннұр Амантай

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: