Газ экспорты өседі

Ұлттық газ саласы операторы ұжымын «ҚазТрансГаз» АҚ басшылығы құттықтады, деп хабарлайды баспасөз қызметі. Директорлар кеңесінің төрағасы Қайрат Шәріпбаев өз сөзінде, Ата заң – еліміздің негізгі заңы және дәл осы құжат тәуелсіз Қазақстанның қалыптасуына негіз болды деп атап өткен.

Оның айтуынша, бүгінде Қазақстанның газ саласын дамытуда маңызды қадамдардың бірі Қытайға отандық газды экспорттаудың басталуы болуда. Қазіргі уақытта ҚХР-ға жылына 10 млрд текше метр газ жеткізу туралы шартқа қол қою бойынша жұмыстар жүргізілуде. Сонымен қатар, «Fitch Ratings» халықаралық агенттігі «ҚазТрансГаз» АҚ мен еншілес кәсіпорындарының ұзақ мерзімді рейтингін «BB+»-дан «BBB-»-ге бағасын ауыстыра отырып, болжамды «тұрақты» деңгейге көтерген.

2018 жылдың бірінші жартысы қорытынды бойынша да газшылар жаңа белестерді бағындырған.

«ҚазТрансГаз 83 млрд теңге мөлшерінде шоғырландырылған таза пайда түсірді, бұл өткен жылдың ұқсас кезеңімен салыстырғанда 39 млрд теңгеге немесе 88%-ға артық. Бұл ҚазТрансГаз бірінші жартыжылдықта елдің бюджетін салықтар мен өзге де төлемдер түрінде 38 млрд теңгеден астам сомаға толықтырғандығын білдіреді. Осындай жоғары нәтижелерге газ өткізу көлемінің 13,7 млрд текше метрге өсуі есебінен қол жеткізілді. Бұл өткен жылдың ұқсас кезеңімен салыстырғанда  41%-ға көп. Газ экспорты өсуде. Бұл ретте отандық газ саласында үлкен әлеует және одан әрі дамыту үшін мүмкіндік бар», - дейді Қайрат Шәріпбаев.

Осы жылы «ҚазТрансГаз» АҚ компаниялары тобының еселі еңбегімен ерекше көзге түскен 164 қызметкеріне ведомстволық наградалар, медальдар мен құрмет грамоталары тапсырылған.