Геологтардың «Ең мейірімді ұжымы»

Салтанатты іс-шараға ҚР Ақпарат және қоғамдық даму министрі Аида Балаева, Павлодар облысының әкімі Әбілқайыр Сқақов, Парламент депутаттары, орталық және жергілікті атқарушы органдардың, өңірлік және республикалық ҮЕҰ өкілдері, халықаралық ұйымдардың, сарапшылар қауымдастығы мен БАҚ өкілдері қатысты.

Марафон аясында елдегі қайырымдылық қызметті дамыту мақсатында қоғамдық бірлестіктер, оқу орындары, волонтерлік, үкіметтік емес және басқа да ұйымдар арасында 9 номинация бойынша конкурстар өткізілді. Марафонға 1200 үкіметтік емес және еріктілер ұйымы, 300-ден астам білім беру ұйымы, 360 ұжым мен кәсіподақ қатысты.

«Волковгеология» АҚ, атап айтқанда «Оңтүстік ВГ» филиалының № 23 экспедиция ұжымы өзінің қайырымдылық қызметі үшін, оның ішінде кәсіпорын қызметкерінің онкологиямен ауырған науқас баласына ерікті материалдық көмек ұйымдастырғаны үшін, «Наурыз мейірімі», «Мектепке жол» қайырымдылық акциялары және басқа да іске асырылған жобалары үшін «Ең мейірімді ұжым» номинациясында жеңіске жетті.

Ұжымды біріктіріп қана қоймай, басқа адамдарға жақсылық пен пайда әкелетін жалпыұлттық жобалар мен идеяларды әрқашан қолдап жүретін «Волковгеология» АҚ қызметкерлері үшін бұл – лайықты марапат және нағыз мақтаныш!