Главная Новости Жалға алушылардың 70 пайызы үйлерді күтіп ұстау бойынша SK Construction қызметіне риза

12 ақпан 2024, 12:23 717

Жалға алушылардың 70 пайызы үйлерді күтіп ұстау бойынша SK Construction қызметіне риза

Бұл туралы активтерді басқару департаментінің директоры Бақыт Әбдіқалықова Басқарма төрағасына берген жылдық есебінде мәлімдеді. Мысалы, Ақтау қаласындағы 6 көппәтерлі үйдің жалға алушылары Samruk-Kazyna Construction компаниясына жылыту маусымына дайындықтың жоғары сапасы үшін алғыс хат жолдаған.

Бүгінгі таңда компания елордада 2 бизнес-орталыққа, еліміздің 11 өңірінде 34 тұрғын үй кешеніне, 400 коммерциялық үй-жайға және 1200-ден астам тұраққа қызмет көрсетеді.

Өткен жылды департамент сәтті аяқталды. Мысалы, 24 тұрғын үй кешенінде жөндеу жұмыстары жүргізілді, оның ішінде:

Samruk-Kazyna Construction қаражатына – 2
құрылыс салушының қаражатына – 3
мүлік иелерінің бірлестігі қаражатына – 13
жергілікті атқарушы органдардың қаражатына – 6.

Компания қызмет көрсететін және құрылысы жүріп жатқан нысандарда бір жыл ішінде еңбекті қорғау, өрт қауіпсіздігі және қауіпсіздік техникасы бойынша 85 аудит жүргізілді.

«Нысандарға қызмет көрсету бөлігінде жергілікті атқарушы органдармен және мүлік иелерінің бірлестігі төрағаларымен белсенді және жемісті жұмыс жүргізілуде. 2023 жылы оларға 169 хат жолданды, 60 кездесу ұйымдастырылды, 40-қа жуық бірлескен тексеріс жүргізілді, АБД мамандары үй кеңестерінің 26 жиналысына қатысты. Барлық нысандар жылыту маусымына уақтылы дайын болды», - деп атап өтті департамент басшысы.

Қызмет көрсету сапасына қанағаттану деңгейін 2024 жылы 85%, ал 2025 жылы 100% жеткізу жоспарлануда. Сондай-ақ, активтерді басқару департаменті барлық нысандар бойынша ағымдағы мәселелерді шешуге, коммерциялық үй-жайлардың толықтай жалға берілуін қамтамасыз етуге ниетті.

Басқарма төрағасы Бақыт Әбдіқалықова мен оның командасының кәсібилігін атап өтіп, департаменттің жұмысына жоғары баға берді. Оның айтуынша, нысандарға қызмет көрсету сапасын жақсарту бойынша жұмысты жалғастыру қажет. Осыған байланысты Мәулен Айменбетов бірқатар тапсырма жүктеді:

компания активтерін сатылымға қоятын жеке веб-портал әзірлеу;
жалдау төлемдерін бақылау және экономикалық жоспарлау департаменттерімен бірлесіп, Samruk-Kazyna Construction іске асырған мемлекеттік бағдарламаларға толық және терең талдау жүргізу әрі құйылған инвестициялар мен кірістердің жалпы сомасы бойынша барлық деректерді ұсыну;
тұрғындардың көрсетілетін қызметтердің сапасына қанағаттану деңгейін арттыру үшін компания қызмет көрсететін нысандарда қажетті жөндеу және басқа жұмыстарды уақытылы әрі сапалы жүргізу.