13 ақпан 2019, 10:49 1770

Жаңа облысқа баратын жолаушылар пойыздары көбеюде

«Жолаушылар тасымалы» АҚ «Апматы-Түркістан» және «Астана-Түркістан» қатынасындағы екі жаңа бағыт Түркістан облысына бару мүмкіндігін айтарлықтай кеңейткенін хабарлап отыр. Жалпы, былтыр, яғни 2018 жылы 20 астам қосымша жолаушылар пойызы ұйымдастырылған.

Бұдан басқа, өңірдің көліктік қолжетімділігін дамыту үшін қала маңы тасымалында «Түркістан-Сарыағаш», «Түркістан-Бадам» және «Түркістан-Шымкент» әлеуметтік маңызды бағыттары бойынша пойыздар іске қосылған.

Жолаушылардың сұрауы мен өтініштерін назарға ала отырып, 2018 жылы республикаішілік бағыттар бойынша қосымша сегіз коммерциялық пойыз, сондай-ақ «Қарағанды-Томск» қатынасындағы халықаралық жолаушылар пойызы жіберілген. Мереке мен мерекеалды күндері әртүрлі 13 қосымша пойыз жолға шыққан.

Өткен жылы «Алматы-Павлодар», «Астана-Риддер» бағытындағы «Тұлпар-Тальго» вагондарынан құралған екі жолаушы пойызының жылжымалы құрамы жаңартылғаны тағы белгілі.

Биыл Ұлттық тасымалдаушы жолаушылар тасымалын ұйымдастыру саласындағы жұмыс тиімділігін қамтамасыз ету, тұтынушы қолайына жағу жөніндегі жұмыстарды ары қарай да жалғастырмақ.

Еще больше новостей на нашем telegram-канале , подписывайся и будь в курсе!

К списку статей Следующая статья