24 ақпан 2022, 14:40 1670

Жаңаөзенде жастардың білімін арттыратын жоба жүзеге асады

«Самұрық-Қазына» қорының жанындағы Әлеуметтік өзара ықпалдастық және коммуникациялар орталығы Маңғыстау облысының әкімдігімен өзара ынтымақтастық туралы меморандумның және «Зияткер ұрпақ» жобасы аясында «U-STUDY» оқу орталығымен бірлесіп балалардың білім сапасын арттыруға бағытталған әлеуметтік жобаны іске қосты.

Жобаның мақсаты – Жаңаөзен қаласындағы аз қамтылған отбасылардан шыққан 11 сынып оқушыларына саналы түрде мамандық таңдауға көмектесу, әр тұлғаның жеке ерекшеліктеріне сәйкес саналы кәсіби таңдау жасауға психологиялық дайындығын қалыптастыру және мансапты жоспарлау саласында оқушылардың құзыреттілігін арттыру. Сондай-ақ, жоғары оқу орындарына түсуге дайындық жүргізіледі.

Жоба аясында аз қамтылған отбасылардан шыққан 11 сыныптың 165 оқушысына онлайн және офлайн оқыту курстары, ҰБТ-ға дайындық және Жаңаөзен қаласындағы 10 сыныптың барлық балаларына кәсіби бағдар шаралары ұйымдастырылады.

Жобаның бірінші кезеңінде оқушылардың жеке қабілеттері анықталады, екінші кезеңде кәсіби білім мен психологиялық қолдау көрсетіледі. Ал соңғы кезеңде оларды оқу орындарына түсуге дайындайды.

Еще больше новостей на нашем telegram-канале , подписывайся и будь в курсе!

К списку статей Следующая статья