Жас көшбасшы сыры: «Үздіксіз даму үстінде болуың қажет»

Бүгінде «Қазақтелеком» АҚ жетекші юрисконсульті, Z-Telecom лидері Айбек Жеңісов университетті бітіре сала еңбек жолын осы компаниямен байланыстырған болатын. Ол 2018 жылы «Қазақтелекомға» юрисконсульт лауазымына қызметке орналасты. Бүгінге дейін түрлі кейстер бойынша 360-тан астам сарапшы қорытындысын шығарып, жүздеген шартқа, хаттар және басқа да құқықтық құжаттарға сараптама жүргізді.

3 жыл ішінде Айбек компанияның қоғамдық өміріне етене араласып үлгерді. Ол «Қазақтелеком» басшысының жастар және волонтерлік жөніндегі штаттан тыс кеңесшісі, Z-Telecom жастар ұйымының көшбасшыларының бірі, «Самұрық-Қазына» жастар штабының мүшесі.

Әрине, мұндай еңбеккерлік елеусіз қалуы мүмкін емес. Айбек компаниямызда корпоративтік волонтерлікті дамытуға қосқан үлесі үшін «Самұрық-Қазына» қорының алғыс хатымен, сертификатымен марапатталды, корпоративтік құндылықтарды дамытуға қосқан үлесі, компания қызметіне ерекше белсенді атсалысқаны үшін «Қазақтелекомның» марапатына ие болды.

«Табысты карьера құру үшін жақсы қызметкер болумен қатар, компанияның басты құндылықтарына сай болу, көшбасшылық қасиеттерді таныту және өзіңді үздіксіз дамытып отыруың қажет», – дейді Айбек.

Бос уақытында ол спортпен айналысады: бразилше джиу-джитсу, жүгіру, веложарыс секілді спорт түрлерімен шұғылданады, күштік және кардиожаттығуларын тастамайды. Кітап оқығанды жаны сүйеді, сонымен қатар отбасымен, достарымен көбірек уақыт өткізуге тырысады.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS