26 қыркүйек 2022, 08:10 1232

Жасыл желек – жанға сая

24 қыркүйекте Қазатомөнеркәсіптің корпоративтік орталығының қызметкерлері Астана қаласында өткен жалпықалалық сенбілікке қатысты.

Іс-шара елордада жарияланған «Бірге таза Қазақстан» жыл сайынғы күзгі экологиялық айлығы аясында қысқы кезеңге дайындық және жасыл желектерді отырғызу бойынша өтіп жатыр.

Ұлттық атом компаниясының қызметкерлері өздеріне бекітілген аумақты қоқыстан тазартты.

«Қазатомөнеркәсіп қызметкерлері әр түрлі экологиялық акцияларға белсенді қатысады, – деп атап өтті сенбілікке қатысқан Қазатомөнеркәсіптің Басқарма төрағасы Ержан Мұқанов. – Біз қоршаған ортаны сақтаудың маңыздылығын түсінеміз және елордамызды таза ұстауға өз үлесімізді қосқымыз келеді».