Главная Новости Жетісулықтар жарықпен толық қамтылды
Маңызды20 қаңтар 2020, 08:53 658

Жетісулықтар жарықпен толық қамтылды

Жетісулықтар жарықпен толық қамтылды

Алматы облысының Қарасай және Жамбыл атты екі ірі ауданында, сондай-ақ Алматы қаласының батыс маңындағы тұтынушыларын электр қуатымен қамтамасыз ету мәселесі шешілді. Алматы облысының Батан ауылында "Самұрық-Қазына" АҚ еншілес құрылымдары Алматы облысының әкімдігімен бірлесіп салған өңірдің ең заманауи энергия нысандарының бірі - "Қаскелең" қосалқы станциясы іске қосылды деп хабарлайды Қордың баспасөз қызметі. 

Шараға "Самұрық-Қазына" қорының Басқарма төрағасы Ахметжан Есімов пен Алматы облысының әкімі Амандық Баталов қатысты.

"Қаскелең" қосалқы станциясының құрылысы "Өңірлерді дамыту-2020" бағдарламасы аясында Алматы облысы әкімдігінің және "Алатау Жарық Компаниясы" АҚ қаражаты есебінен жүзеге асырылды. Нысанның құны 4,73 млрд теңгені құрады.

"12 жыл ішінде өңірді энергиямен қамтамасыз ету жағдайы түбегейлі өзгерді. Егер 2008 жылы біз әкімдікте Алматыдағы электр энергиясының сөніп қалу мәселесіне бас қатырсақ, қазір «"Самұрық-Энерго" компаниясы салып жатқан нысандар облыс пен қаланың даму келешегіне бағытталған. Бүгін біз - мен және облыс әкімі – Алматы агломерациясының энергетикалық қауіпсіздігі мәселелсі шешілді деп сеніммен айта аламыз",- деді Ахметжан Есімов.

Қуаты 250 МВА болатын жаңғыртылған "Қаскелең" қосалқы станциясы Алматы облысының Қарасай және Жамбыл аудандарының, Алматы қаласы батыс жағының тұтынушыларын электр энергиясымен қамтамасыз ететін болады.  

Бүгінгі таңда қосалқы станция 6 мыңнан астам жеке және 400-ден астам заңды тұлғаға қызмет көрсете бастады. 2030 жылға дейін 50 мыңнан астам жеке және 4 мыңнан астам заңды тұлғаға, сондай-ақ "Көкөзек" индустриалды аймағының тұтынушыларына қызмет көрсету жоспарланып отыр.

 "Алматы облысының жалпы өнеркәсіп өндірісінің жалпы көлемі 2019 жылдың соңына қарай 1 трлн теңгеге жетті. Оның ішінде ірі кәсіпорындар мен өндірістік нысандар орналасқан Алматы қаласына шекаралас аудандарды атап өтуге болады. Бұдан әрі табысты жұмыс істеу үшін аймақты электр энергиясымен үздіксіз қамтамасыз ету қажет",- деді Амандық Баталов.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: