Главная Новости Жібек жолы дәліздерін дамыту мәселелері талқыланды
Компания тынысы21 мамыр 2021, 12:33 1039

Жібек жолы дәліздерін дамыту мәселелері талқыланды

Жібек жолы дәліздерін дамыту мәселелері талқыланды

«Қазақстан Темір Жолы» ҰК» АҚ делегациясы Еуропа және Азия-Тынық мұхиты аймақтарынан келген 25-тен астам теміржол компаниялары өкілдерімен бірге  Халықаралық темір жолдар одағының жүк форумына қатысты.

ХТЖО бас директоры Франсуа Давенне форумның барлық қатысушыларына жылы ілтипатын білдіріп, Еуропа мен Азияда темір жол көлігін дамыту жөніндегі міндеттерді шешуде бірлескен жұмыстың маңыздылығын атап өтті.

Отырыста жүк тасымалы саласындағы инновациялар, цифрлық бастамалар, жүк тасымалдаудың экологиялық аспектілері, трансконтиненталдық дәліздер мен бағыттарды дамыту мәселелері талқыланды, 2019-2021 жылдарға арналған қолданыстағы жобалар бойынша есептер тыңдалды, сондай-ақ 2022 жылға арналған жаңа жобалық бастамалар ұсынылды.

Отырыс барысында қатысушылар Covid-19 пандемиясы таралуының жаңа жағдайларында теміржол тасымалдарының жүйелі маңыздылығына, Жібек жолы дәліздерін дамыту қажеттілігіне, олардың бәсекеге қабілеттілігі мен сенімділігін арттыруға назар аударды.

Сарапшылардың пайымынша, сапалы сервис пен дамыған инфрақұрылым Еуразиялық маршруттардың табысты жұмыс істеуіне ықпал етеді. Дәліздерді дамыту барлық тасымалдау процесіне қатысушылардың бірлескен күш-жігерін талап ететіні атап өтілді. ХТЖО темір жол көлігін эргономикалық пайдалануды қамтамасыз етуге жәрдемдесуді жалғастыруы тиіс.

Еуразиялық Жібек жолы бойынша теміржол тасымалдарының көлемі 2030 жылға қарай 1,7-2,6 миллион ЖФЭ жетеді деп күтілуде.

Форумның келесі отырысы 2021 жылдың қараша айына жоспарланған.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: