«Жолаушылар тасымалы» қалдықтарды бөлек жинау саясатын жүргізеді

Осы жылдың ақпан айында «Жолаушылар тасымалы» АҚ-ның «Северный» жолаушылар тасымалы аймақтық филиалында пластикалық және алюминий ыдыстарды қабылдау пункті ашылды. Бұл теміржолшылардың шикізатты қайта өндеуге қабылдау қызметтерінің өкілдерімен бірлескен жұмысының арқасында мүмкін болды.⠀

Өнімді тапсырған әрбір қызметкерге қоқысты қайта өңдеу компаниясы прейскурантқа сәйкес ақшалай сыйақы төлейді:

• кез келген түрдегі пластикалық бөтелке – 5 теңге;
• қаңылтыр банк – 2 теңге.

Тек 2022 жылдың 1-10 ақпан аралығында «Северный» аймақтық филиалының қызметкерлерімен 5 894 пластикалық бөтелке мен 933 банка қайта өңдеуге жіберілді.