Главная Новости Жүк контейнері. Тасымалдың тиімді жолы қолданысқа енді
Компания тынысы23 ақпан 2021, 11:46 77

Жүк контейнері. Тасымалдың тиімді жолы қолданысқа енді

Жүк контейнері. Тасымалдың тиімді жолы қолданысқа енді

Контейнерлік тасымалды дамыту мақсатында «ҚТЖ-Жүк тасымалы» ЖШС 2021 жылдың 31 желтоқсанына  дейін жүк тасымалдарын жүзеге асыратын барлық станциялардың кірме жолдарында контейнерлерді тиеуге және түсіруге рұқсат берді, деп хабарлайды SKnews.kz «ҚТЖ-Жүк тасымалы» ЖШС баспасөз қызметіне сілтеме жасап.

Рұқсат елдің көліктік және транзиттік әлеуетін ашу, сервис деңгейін арттыру және әкімшілік кедергілерді жою мақсатында берілді.

«Жүк жөнелтушілерге жүк тасымалы кезінде вагондарды ғана емес, контейнерлерді де пайдалануға тең мүмкіндіктер беріледі. Бұл жұмыс экспорттық жүктерді контейнерлеуді ұлғайту шеңберінде жүргізілуде. Алдағы уақытта көптеген елдер контейнерлік тасымалдарға көшетінін, контейнерлерді ауыстырып тиеу үшін инфрақұрылым дамитынын ескеру қажет. Мысалы, қазіргі уақытта Қытай жабық вагондардағы жүкті қабылдауда қиындық көріп отыр. Жүкті контейнерлермен тапсыру жылдам жүреді», – деді «ҚТЖ-Жүк тасымалы» ЖШС Бас директорының бірінші орынбасары Қанат Көбесов.

Қазіргі уақытта контейнерлерді пайдалану – Қытайға, Еуропа елдеріне және Оңтүстік-Шығыс Азия мемлекеттеріне өнімдерін экспорттайтын теміржол клиенттері үшін аса қажетті қызмет. Контейнерлердегі жүкті көліктің бірнеше түрімен: теміржол, автомобиль және теңіз жолы арқылы тасымалдау оңай, осылайша жүкті жеткізу географиясы кеңеюде. Сондай-ақ, шекара маңындағы станцияларда контейнерлерді тасымалдауға және қайта тиеуге жұмсалатын уақыт шығындары қысқартылады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: