12 сәуір 2024, 12:01 1103

Жүктерді темір жол көлігімен тасымалдау бірінші тоқсанда 2,4% өсті

2024 жылдың бірінші тоқсанында ҚТЖ желісі арқылы 61,4 млн тоннадан астам жүк тасымалданды, бұл 2023 жылдың ұқсас кезеңі деңгейіне сәйкес келеді. Қазақстан бойынша тасымалдау 2,4% өсіп, 40,2 млн тоннадан асты, экспортқа 21,2 млн тонна жөнелтілді.

Әлеуметтік маңызы бар жүктерді (көмір мен астықты) тасымалдау ҚТЖ-ның ерекше бақылауында қалып отыр. 2024 жылдың қаңтар-наурыз айларында теміржолмен 26,3 млн тонна тас көмір тиеліп, қазақстандықтарға 19,5 млн тоннасы жеткізілді. Экспортқа 6,8 млн тонна қатты отын жөнелтілді.

Бірінші тоқсан қорытындысы бойынша шамамен 2,2 млн тонна астық тиелсе, оның ішінде экспортқа – 1,6 млн тонна.

Бірінші тоқсанда темір және марганец кендерін тасымалдау 17% (5 млн тонна), түсті кен мен күкірт шикізатын тасымалдау 16,5% (5,8 млн тонна), мұнай жүктерін тасымалдау 6% (4,7 млн тонна) өсті.

Мұнай жүктерінің экспорты 22% (1,3 млн тонна), химиялық тыңайтқыштардың экспорты 16,7% (338 мың тонна), темір және марганец кендерінің экспорты 22,4% (2,8 млн тонна) ұлғайды.

Еще больше новостей на нашем telegram-канале , подписывайся и будь в курсе!

К списку статей Следующая статья