GPON технологиясы жылдам интернетке қол жеткізеді

GPON технологиясы абоненттердің жылдамдығы жоғары интернет, ТВ және телефония қызметтерін бір кабель арқылы алуына мүмкіндік береді.

«Болашақта абоненттердің жылдам интернет пен телеарналарға деген сұранысы тек арта түспек. GPON технологиясы сол талаптың бәріне жауап береді», — дейді «Қазақтелеком» АҚ Орталық ӨТД коммерциялық директоры Дамир Сейсембеков.

Мысалы, былтырдың осы кезеңінде 7 тұрғын үй кешені GPON технологиясы бойынша телекоммуникация қызметтеріне қосылған болатын. «Оптика» тікелей әр абоненттің пәтеріне тартылады. Сондықтан қосылым сенімді, желінің жылдамдығы жоғары болуына кепілдік беріледі.

Жыл аяғына дейін «Қазақтелеком» тағы 96 көп пәтерлі үйдің тұрғындарына GPON желісін тартып бермек. Осы жобаның арқасында тағы 27 мың абонент 200-ден 500 Мбит/с дейінгі үйдегі жылдам интернетке қол жеткізеді әрі 175 арналы цифрлық ТВ қоса алады.