Главная Новости «Індетті жеңу жолы – екпе алу». Мұнайшылар пікірі қандай?

«Індетті жеңу жолы – екпе алу». Мұнайшылар пікірі қандай?

«Індетті жеңу жолы – екпе алу». Мұнайшылар пікірі қандай?

Әлемді шарпыған коронавирус індетінің қаупі әлі сейілген жоқ. Сондықтан халық ковидпен күресу үшін жаппай иммунитет қалыптастырып жатыр.

Олардың қатарында Қаражанбас мұнайшылары да бар. Жұмысшылар кен орны мен Ақтау қаласындағы егу пункттерінде вакцинациялануда. Өз денсаулығына алаңдап, өзгенің өміріне қауіп төндірмеу үшін екпе алу – әзірге індетті жеңудің жағыз жолы.

Ғабит Сәдуақасов, ОИТҚ басшысы:

«Былтыр кенеттен келген індет бәрімізді есеңгіреткені рас. Талай адам жақынынан айырылды. Тұтас әлем не істерін, вируспен қалай күресерін білмей дал болды. Биыл мамандар вакцина ойлап тапты. Пандемия толық аяқталмаса да, қауіп азайған сияқты. Көпшілікпен жұмыс істейтін болғандықтан, біз екпені бірінші кезекте алуға шешім қабылдадық. Осы жауапкершілікті сезінген ұжымдастарымыз да екпенің екі компонентін алып жатыр. Індеттен аманбыз, көңілде күдік, жүректе қорқыныш жоқ».

Орынбек Берішбаев, ОИТҚ топ жетекшісі:

«Коронавирус індеті мені де айналып өтпеді. Былтыр вирус жұқтырып, аздап әбігерге түскенім бар. Вакцина алғаннан кейін екі-үш күн белгілер болды. Бұл туралы дәрігерлер ескерткен соң, аса қорықпадым. Өз денсаулығы мен айналадағыларға қауіп төндірмеуді ойлайтын адам екпені ерікті түрде алады ғой. Жұдырық боп жұмылсақ, ешқандай шектеусіз, қалыпты өмірге тезірек ораламыз».

Нагим Ізтұрғанов, Күрделі құрылыс бөлімінің басшысы:

«Елімізде вакцинация басталғанда алғашқылардың бірі болып екпе алуға ниет білдірдім. Себебі мен үшін денсаулық – бәрінен маңызды. Екпеден соң ешқандай ауырсыну сезімі болмады. Жағдайым өте жақсы. Қай істе болмасын, жеңіске бірлікпен жетеді ғой. Сол сияқты ковидті тек ұжымдық иммунитет қалыптастырып жеңеміз деп ойлаймын».

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: