03 шілде 2023, 13:20 836

Индустрия министрі Ақтаудағы солтүстік теңіз терминалының қызметін тексерді

ҚР Индустрия және инфрақұрылымдық даму министрі Марат Қарабаев Маңғыстау облысына жасаған екікүндік жұмыс сапарында Ақтаудағы солтүстік теңіз терминалының қызметін тексерді, деп хабарлады министрліктің баспасөз қызметіне сілтеме жасап.

Жиын барысында Құрықта паромға дейінгі сұрыптау стансасы мен жылдық қуаты 1 млн тоннаға дейінгі астықты қабылдауға қауқарлы терминалдың құрылысы талқыланды. Бұл арқылы Иран – Кавказ бағытында жүк өткізу қабілетін ұлғайтуға жол ашылады.

Ақтаулық теңіз сауда портында ұйымдастырылған кездесудің негізгі арқауы контейнерлік хабты құру және таяу маңдағы теңіздің түбін тереңдету, сондай-ақ №3 айлақты кеңейту, мұнай құюға арналған айлақтарды қалпына келтіру және қайта тиейтін техника паркін жаңарту мәселелеріне арналды.

Жұмыс сапарының соңында ҚР ИИДМ басшысы «Ақтау теңіз порты» АЭА-да болып, оның экономикалық тиімділігі, даму перспективалары мен өзекті мәселелеріне байланысты қызметкерлермен пікір алысты.

Еще больше новостей на нашем telegram-канале , подписывайся и будь в курсе!

К списку статей Следующая статья