Инженер-конструктор: «Әр жоба – жаңа тәжірибе»

Сұлтанмахмұт Торайғыров атындағы Павлодар мемлекеттік университетінің «Көлік, техника және технология» мамандығы бойынша бітірген ол әрқашан үлкен зауытта жұмыс істеуді армандаған. Ол мамандықты өзі таңдады және өз таңдауынан көңілі қалмады.

«Мұнда зауытта әр жолы өзіңе жаңа бір жаңалық ашасың, – дейді Жансерік. – Тәжірибе жинақтайсың. Біз қолданыстағы жабдықты, экскаваторларға арналған жаңа металл конструкцияларын, біліктерді, тістегершіктерді және басқа бөлшектерді жөндеу үшін сызбалар дайындаймыз».

Жансеріктің түсіндіруінше, дизайн және технологиялық бөлім – зауыттың миы: «Іс жүзінде барлық техникалық шешімдер бізден келеді. Біздің ұжым шағын: 13 адам, оның ішінде 5 конструктор болса, қалғаны – технологтар».

Жансерік өз кәсібіндегі басты қасиет – нақтылық, ал өмірде – жетілуге деген ұмтылыс деп санайды. Ол әр адам өз тағдырын жасаушы екеніне, өмірдегі жолын, мамандығын, мақсатын таңдайтынына сенімді.