«Инкай» – «Парыз» байқауының жеңімпазы

2020 жылдың қорытындысы бойынша «Инкай» БК Қазақстан Республикасының үздік әлеуметтік-жауапты кәсіпорындарының бірі ретінде танылып, «Парыз - 2020» республикалық конкурсына қатысқаны үшін Еңбек және халықты әлеуметтік қорғау министрлігінің Алғыс хатын алды.

Кәсіпорын Түркістан облысының ірі кәсіпорындары арасында «Үздік ұжымдық шарт» номинациясы бойынша ең жоғары баға алып, бірінші орынға ие болды. Бұл номинацияда қызметкерлердің еңбек және әлеуметтік құқықтарын едәуір жақсартатын және нығайтатын ұжымдық шарттар қарастырылады.

Ұдайы жан-жақты және тұрақты дамуға ұмтылатын «Инкай» БК ұжымы аймақтың әлеуметтік дамуына қосқан үлесі үшін өңір тұрғындары мен мемлекеттік органдардың кәсіпорынға білдірген алғысын жоғары бағалайды.

2008 жылдан бері өткізіліп келе жатқан бизнестің әлеуметтік жауапкершілігі жөніндегі «Парыз» конкурсы халықтың әл-ауқатын одан әрі жақсарту үшін жеке кәсіпкерлік субъектілерінің қоғам алдындағы өздерінің корпоративтік әлеуметтік жауапкершілігін қалыптастыруға және арттыруға бағытталған.