Инновация саласындағы ынтымақтастық

Өзара іс-қимылдың негізгі бағыттары ретінде инновациялық жобалардың корпоративтік акселерациясы бағдарламаларын іске асыру, ғылыми-зерттеу және тәжірибелік-конструкторлық жұмыстарды бірлесіп орындау жоспарлануда.

Сондай-ақ, теміржол көлігі үшін мамандарды оқыту мен даярлауды, Satbayev University және «Қазақстан темір жолы» ҰК» АҚ сарапшыларының қатысуымен теміржол саласы қызметкерлері үшін біліктілікті арттыру курстарын, семинарлар мен тренингтер өткізу белгіленген.

Мамандарды кәсіби даярлаудың негізгі факторларының бірі материалдық-техникалық базаның, оның ішінде қазіргі заманғы мамандандырылған зертханалардың болуы. Satbayev Universitu бүгінгі таңда дамыған ғылыми-инновациялық инфрақұрылымы бар Қазақстан Республикасының ең ірі техникалық және зерттеу университеттерінің бірі болып табылады.

Тараптар ынтымақтастықтың әрбір бағыты бойынша Жол картасын бірлесіп әзірлеу туралы уағдаласты. Бұдан басқа, меморандум аясында Satbayev Universitу жанында теміржол саласының мамандарын даярлау бойынша орталық құру жоспарлаған.