Инвестициялар мен даму үшін жаңа мүмкіндіктер: «Самұрық-Қазына» Мажар компанияларымен серіктестікті нығайтуда

Будапештте Нұрлан Жақыпов National Capital Holding (NTH) басшысы Бенце Катонамен кездесті. Тараптар инвестициялар және серіктестікті дамыту үшін бағыттарды айқындады.

NTH – мемлекеттік инвестициялық қорларды басқаруды үйлестіретін мажар мемлекеттік ұйымы. Тағы бір маңызды кездесу Мажарстанның жетекші энергетикалық өнім берушісі MVM Group-пен ынтымақтастық перспективаларын талқылау болды. Компания басшысы Карой Матраимен «Самұрық-Қазына» төрағасы газ саласы мен атом энергетикасындағы әлеуетті жобаларды талқылады. MVM Group «Пакш» АЭС басқарады және Мажарстандағы энергиямен жабдықтаудың негізгі инфрақұрылымына жауап береді.

Мұнай-газ саласы да талқылаудың маңызды тақырыбына айналды. Нұрлан Жақыпов мұнай-газ саласындағы ынтымақтастықты одан әрі талқылау үшін MOL Group атқарушы вице-президенті Джомбор Мартонмен кездесті. Сондай-ақ Қор басшысы LAC Holding президенті және бас директоры Ласло Хорватпен келіссөздер жүргізді.

Сапар нәтижесінде бірқатар негізгі құжаттарға қол қойылды: инвестициялар мен серіктестікті дамытуға бағытталған «Самұрық-Қазына» мен National Capital Holding арасындағы ынтымақтастық туралы келісім; «ҚазМұнайГаз» ҰК мен MOL Group арасындағы мұнай-газ химиясы саласындағы ынтымақтастықты кеңейту және көмірсутектерін бірлесіп барлау мен өндіру туралы келісім; «Қазақстан темір жолы», LAC Holding және Xi 'an Free Trade Port арасындағы Мажарстанда интермодальдық жүк терминалын құру жөніндегі меморандум. Бұл қадамдар Қазақстан мен Мажарстанның экономикалық байланыстарын нығайту стратегиясының маңызды бөлігі.