IPO қандай кезеңдерден тұрады?

І кезең. IPO алдында: дайындық кезеңі

Дайындық кезеңінде компания болашақ жария мәртебесіне дайындалады: өзінің қаржы-шаруашылық жағдайын, ұйымдық құрылымы мен активтер құрылымын, ақпараттық (оның ішінде қаржылық) ашықтығын, корпоративтік басқару жүйесін және қызметтің басқа да аспектілерін талдайды.

Акцияларды қор нарығына шығару кестесі жасалады, қолданыстағы құжаттарға өзгерістер енгізіледі және жаңалары жасалады, мысалы, шешім қабылдау үшін инвесторларға қажетті ақпаратты қамтитын эмиссия аңдатпасы немесе меморандум.

ІІ кезең. IPO: негізгі кезең

Бұл кезеңде акция бағасы немесе баға диапазоны анықталады. Бастапқы орналастыру кезінде акция бағасы, әдетте, консультанттардың ұсыныстарын ескере отырып, компанияның құнын бағалау негізінде анықталады.

IPO параметрлері жарияланғаннан кейін «өтінімдер кітабын» қалыптастыратын инвесторлардан өтінімдер жиналады.

Жазылу барысында компания роудшоу-әлеуетті инвесторлармен бірқатар кездесулер өткізеді.

Жазылу аяқталғаннан кейін бекітілген тәртіпке сәйкес өтінімдерді қанағаттандыру және жария орналастыру қорытындыларын хабарлау жүзеге асырылады.

ІІІ кезең. IPO-дан кейін: қорытынды кезең

Компания жария мәртебеге ие болады және акцияларды айналымда ұстап тұру және өз қызметі туралы ақпаратты ашып көрсету бойынша міндеттемелерді мойнына алады.

Биржалық сауда-саттық басталады-осы сәттен бастап акциялардың бағасы сұраныс пен ұсыныстың әсерінен анықталады.

Дереккөз: "ҚазМұнайГаз" ҰК" АҚ Facebook парақшасы