«Jibek Joly» халықаралық туристік пойызы сапарын сәтті аяқтады

2026 жылғы 20–25 наурыз аралығында өткен «Jibek Joly» халықаралық туристік пойызы өз сапарын сәтті аяқтады. Бағыт Қазақстан, Өзбекстан және Тәжікстан аумағын қамтып, алғаш рет Душанбе қаласына дейін ұзартылды.

Маршрут Алматы – Түркістан – Самарқанд – Душанбе – Ташкент – Алматы бағытында жүзеге асырылып, Ұлы Жібек жолының тарихи мұрасын және өңірдің заманауи келбетін бір арнада тоғыстырды. Сапарға 400-ден астам турист қатысты.

 Жоба «Қазақстан темір жолы» ҰК» АҚ бастамасымен, «Өзбекстан темір жолдары», «Тәжікстан темір жолдары» және «Қазақстан туризм индустриясы» қауымдастығымен бірлесіп ұйымдастырылды.