Кәсіби даму – тәжірибе алмасудан басталады

Іс-шараның мақсаты – жас қызметкерлердің кәсіби біліктілігін арттыру, өндірістік процестермен танысу, сондай-ақ теңіз тасымалы және логистика саласындағы үздік тәжірибелермен бөлісу арқылы іскерлік байланысты кеңейту. Сапар барысында қатысушыларға компанияның негізгі қызмет бағыттары таныстырылып, флот жұмысы, кемелерді басқару жүйесі, қауіпсіздік талаптары және заманауи технологиялық шешімдер бойынша жан-жақты ақпарат берілді. Сонымен қатар, жастар өздерін қызықтырған сұрақтарына жауап алды.

Жас мамандардың кәсіби өсіп-жетілуіне бағытталған мұндай тәжірибе алмасу шаралары өте маңызды. Бұл – өндірістен тыс ортада да кәсіби ой-өрісті кеңейтуге, жаңа сала өкілдерімен байланыс орнатуға таптырмас мүмкіндік. Алдағы уақытта біз де «Қазақтеңізкөлікфлоты» компаниясының жас мамандарын «Маңғыстаумұнайгаз» өндірістік алаңдарында қарсы алып, осындай өзара тәжірибе алмасу шараларын жалғастырамыз, – деп атап өтті Жас мамандар кеңесінің төрағасы Ержан Есполов.

Кәсіби ынтымақтастықты нығайту – қазіргі заманғы еңбек нарығында табысты болудың маңызды шарты. Осы бағыттағы бастамалар жас мамандардың жаңа білім мен тәжірибе алуына жол ашып, олардың салаға деген қызығушылығын арттыра түспек.