Кәсіби мерекедегі марапат

«Ембімұнайгаз» АҚ Бас директоры Сәбит Арыновтың төрағалығымен өткен Басқарма аппаратындағы жиын марапаттау рәсімінен бастау алды.

«Доссормұнайгаз» мұнай-газ өндіру басқармасының Шығыс Мақат кен орын мұнай-газ өндіру цехының 2-санатты геологы Сара Құрманқұлова, «Жылыоймұнайгаз» басқармасының Батыс Прорва кен орын мұнай-газ өндіру цехының геологы Гүлфайрус Алмұратова, «Жайықмұнайгаз» МГӨ басқармасының Жаңаталап кен орын мұнай-газ өндіру цехының геологы Нұргүл Шақманова, «Қайнармұнайгаз» басқармасының Кенбай мұнай-газ өндіру цехының 2-санатты геологы Серік Исқазиев ҚР Энергетика министрлігінің Алғыс хатымен марапатталды.

«ҚазМұнайГаз» Ұлттық Компаниясының Құрмет грамотасымен «Жайықмұнайгаз» басқармасының Оңтүстік-Шығыс Қамысты кен орын мұнай-газ өндіру цехының техник-геологы Клара Бектеміс және «ҚазМұнайГаз» ҰК Алғыс хатымен «Қайнармұнайгаз» басқармасының Кенбай мұнай-газ өндіру цехының 2-санатты геологы Нұрлан Сіламғалиев марапатталды.

Әріптестерімізге марапаттарын тиісті мұнай-газ өндіру басқармаларының басшылары салтанатты түрде тапсырды.

«ҚР Энергетика министрлігінің» Алғыс хатымен «Ембімұнайгаз» АҚ-ның кеніштік геология және модельдеу бөлімінің қызмет жетекшісінің орынбасары Ардақ Амантурлиев, «Ембімұнайгаз» АҚ мұнай-газ кен орны игеру бөлімінің аға геологы Сәуле Буранкулова және «ҚазМұнайГаз» ҰК Алғыс хатымен «Ембімұнайгаз» АҚ гидродинамикалық зерттеу бөлімінің геологы Еркебұлан Қыздарбаев марапатталды.

Компания басшысы Сәбит Әбілдаұлы марапат иелерін құттықтап, қызметтеріне табыс тіледі.