Кәсібіне адал теміржолшы

Құрметті теміржолшы Ертас Бейсбеков өзінің 63 жасын атап өтті. «Қазақстан Темір Жолы» ҰК» АҚ басшылығы туған күн иесін құрметті демалысқа шығуымен құттықтап, темір жолдың дамуына қосқан елеулі үлесі, жоғары кәсіби деңгейі және ісіне берілгендігі үшін алғыс білдірді, деп хабарлайды SKnews Rail-news.kz сайтына сілтеме жасап.

Әріптестері Ертас Бектасұлына зор денсаулық, амандық және өмірдің жаңа кезеңіне өтуде жақсы көңіл-күйде болуын тіледі.

Ертас Бейсбеков өмірінің 46 жылын болат магистральға арнады. Еңбек еткен жылдарында ол өзін жоғары білікті және жауапты маман ретінде көрсете білді. Алматы теміржол көлігі инженерлері институтын «Қатынас жолдарының инженері» мамандығы бойынша бітірген. Темір жол көлігіндегі мінсіз қызметі өндірістік учаскелерде слесарь-аспапшы лауазымынан басталды.

Маневрлік посттың белгі берушісі, қабылдап-тапсырушы, төбешік бойынша кезекші, пойыздық диспетчер болып жұмыс істеді. «ҚТЖ-Жүк тасымалы» ЖШС тау жыныстарын тиеу және түсіру бөлімін, станцияны, үйлестіру департаментін басқарды. Соңғы жылдары «Қазақстан Темір Жолы» ҰК» АҚ Басқарма төрағасының бірінші орынбасарының кеңесшісі болып жұмыс істеді.

Көпжылғы адал еңбегі үшін «Қазақстан темір жолына 100 жыл», «Астананың 10 жылдығы» мерекелік медальдарымен, теміржол саласының жоғары наградасы – «Құрметті теміржолшы» белгісімен марапатталған.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS