Қаламқас мұнайшылары декларация тапсырып жатыр

Қазақстан Республикасы Салық кодексінің талаптарына сəйкес 2023 жылдың ақпан айының 1 жұлдызынан бастап «Маңғыстаумұнайгаз» АҚ-ның барлық қызметкерлері салық органына 2022 жылға арналған салық декларациясын тапсыруға міндеттелген болатын. Осыған орай компания қаржы департаментінің ұйымдастыруымен кен орындарында қызметкерлер арасында декларацияны тапсыру жөніндегі түсіндірме жұмыстары жүргізілуде.

«Маңғыстаумұнайгаз» АҚ жауапты қызметкерлері Ақтау қаласы Мемлекеттік кірістер басқармасы мамандарымен бірлесіп Қаламқас кен орнында болды.

Басты мақсат – мұнайшыларға Кірістер мен активтерді декларациялау мəселелері бойынша түсіндіру жəне консультациялық кеңес беру жұмыстарын жүргізу.

Мамандар Қаламқас кенорынының өндірістік нысандарын аралау арқылы мұнайшыларға декларация толтыруға жəрдемдесіп, көмек көрсетті, қызметкерлерді толғандырған сұрақтарға егжей-тегжейлі жауаптар берілді.

Көптеген мұнайшылар осындай мүмкіндікті пайдаланып, телефондарына арнайы eSalyq Azamat атты электрондық бағдарламаны жүктеп алып, 250 нысан бойынша декларацияларын тапсырып жатты.

Декларацияны тапсыру мерзімі қағаз жетгізгіште ұсынылған жағдайда – үстіміздегі жылдың 15-ші шілдесінен, ал электрондық түрде ұсынылса – 15-ші қыркүйегінен кешіктірілмеуі керек екенін әріптестеріміздің есіне саламыз.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS