Қаламқаста полимерлі суландыру ұлғаяды

Биылғы қарашаның басында Қаламқас кен орнында мұнай беруді ұлғайтудың химиялық әдістері технологиясының жобаларын ресми түрде іске қосу рәсімі өтті. Іс-шара аясында «Атриум Ақтөбе» ЖШС мердігерлік ұйымының командасы және француздық SNF компаниясы француз өндірісінің полимерлі ерітіндісін дайындау және айдау бойынша автоматтандырылған қондырғыны көрсетті және Ю-1 «Центр» учаскесінде полимерлі сулдандыру технологиясын айдаудың пилоттық стартын жүзеге асырды.

Сондай-ақ «ЕвразияГеохимТехинжиниринг» ЖШС компаниясының Ю-3 «СПС» учаскесінде өзара байланысқан полимерлік жүйелерді пайдалана отырып, мұнай беруді ұлғайтудың химиялық әдісінің тағы бір жобасы іске қосылды. Бұл жобалар Қаламқас кен орнындағы өндіру көлемін тұрақтандыруға және ұлғайтуға, сондай-ақ осы учаскелердегі сулануды азайтуға бағытталған.

Оң нәтиже берген кезде «Маңғыстаумұнайгаз» АҚ осы технологияларды басқа ұқсас учаскелерде көбейтуді жоспарлап отыр, бұл мұнай алу коэффициентін ұлғайтуға және кен орнын пайдалану мерзімін ұзартуға ықпал етеді.

Жобаны іске қосу салтанатына «Маңғыстаумұнайгаз» АҚ, «Қаламқасмұнайгаз» ӨБ басшылары, сондай-ақ «Атриум Ақтөбе» ЖШС, SNF SA, «ЕвразияГеохимТехинжиниринг» ЖШС басшылығы және тағы басқа қатысты.