Главная Новости Қарағанды облысында вольфрам өндіріледі
23 сәуір 2019, 15:21 5155

Қарағанды облысында вольфрам өндіріледі

Қарағанды облысында вольфрам өндіріледі

«Тау-Кен Самұрық» ҰТК» АҚ Басқарма төрағасы Қанат Құдайберген мырзамен таяуда болған сұхбат барысында Ұлттық тау-кен компанияының бүгінгі беталысы, Қарағандыдағы вольфрам өндірісі мен ондағы қытай тарапының үлесі жайлы егжей-тегжейлі сұрадық.

  • «Тау-кен Самұрық» Ұлттық тау-кен компаниясының бүгіндегі беталысы туралы не айтуға болады?
  • Басында Компанияға тау-кен саласындағы мемлекеттік активтерді біріктіру міндеті жүктелген. Былтыр жаңа стратегия негізінде Арселор, Қазақмыс, ERG, Қазцинк сияқты нарықтағы алыптармен бос бәсекелестіктен алшақтап, нақты жобаларға ден қоюды ұйғардық. Отандық инвесторлардан тыс, түрік, қытай, араб елдері тәрізді шет мемлекеттерден қаржы тартуға күш салудамыз. Тау-кен сынды экономикадағы ірі саладағы үлкен олқылықтарды айта кетсем, қазіргі таңда геологиялық барлау жұмыстарының ақсауы мен халықаралық дәрежеде мойындалған, акредиттелген ғылыми-технологиялық орталықтың болмауы алаңдатуда, ол жерде Сондай-ақ тестілеу жүйесі болуы керек. Бұрғылаудан шыққан кернді сақтайтын жер жоқ, осы мәселені шешу үшін Қор басшылығы қолдап, Үкіметке тиісті ұсыныстар жасаудамыз. Жыл аяғына дейін іс-қимыл жемісі де білініп қалар.

Шетелде оқып жатқан, зияткерлік әлеуеті жоғары қазақ жастарын да шақырып жатырмыз. Осының аясында Лондонға сапарлатып, ондағы PhD білім алудағы жастарды, келешекте құру межеленген Ұлттық ғылыми-технологиялық орталыққа тарту жайын талқыладық.

  • Инвестор дегенде, Қытай мәселесін айналып өте алмаспыз...
  • Таяуда Қарағанды облысындағы Жоғары Қайрақты мен Солтүстік Қатпар вольфрам кен орындарына қатысты туындаған шуды меңзеп отырған боларсыз. Қытайдан инвестор шақырғанымыз, бізде кен құрамындағы өте аз вольфрамды өндіретін күрделі технология және де ертең өнімді өткізетін нарық қамтамасыз етілмеген. Қытайлық стратегиялық серіктес сенімді, беделді, салада көшбасшы әрі халықаралық биржада жария жұмыс істейді. Жалпы қытайлықтар әлемде нөмір бірінші инвестор саналады. Сондықтан көршімізбен достық ниетте, ашық жұмыс істеген ләзім.

Байбалам салатын ештеңе жоқ, шетелдіктер жер қойнауына иелік етпейді, оны пайдалану туралы шарт жасалған компания үлесіне кіреді. Қытай жұмыс күші басып алады деу де жалған. Құрылыста саны көптеу болғанымен, кейін өндіріс іске қосылғанда әрі кеткенде 20-30 шақтысы ғана қалады, заң жүзінде оны реттеп отыратын қатаң квота белгіленген. Алдағы уақытта жергілікті халыққа арналған 5 мыңға жуық жұмыс орны ашылады, мамандар оқытылады. Шілде айына таман келісімге қол қойсақ, өндіріс 2021-2022 басталады. Сонымен бірге, жай ғана шикізат шығарылмайды, өнім әзірленетін зауыт бой көтереді. Бұл жоба іске асса, Қазақстан вольфрам өндіруден дүниежүзінде 2-ші орынға шығады.

Тау-кен Самұрық. Қытай инвестициясы
Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: