Қаражанбас автопаркі 24 жаңа техникамен кеңейді

БжҰЖКЖБ жұмыс топтарымен кездесу барысында ҚБМ Бас директорының бірінші орынбасары Қуанышбай Нұрғалиев оларға елеулі еңбегі үшін алғыс айтып, Қаражанбас автопаркін жаңғырту бойынша жоспарлы жұмыстар туралы айтып берді. Басшылық олардың жұмыс нәтижелілігін одан әрі арттыратынына сенім білдіре отырып, әрқайсысының мүмкіндігі 40 тонна болатын екі жаңа көтеру қондырғысын, сондай-ақ ҰКЖ топтарына үш мобильді кешеннің кілтін табыс етті. Модульдік кешендер жұмысшылардың жайлылығы үшін толық жабдықталған.

«Біз заманауи техника келгеніне өте қуаныштымыз. Мобильді кешендерде жылы еден, кептіргіш, тамақтанатын орын, барлық жағдай жасалған», – деді №10 топ шебері Жұмат Решов.

Жаңа арнайы техниканың кезекті партиясы көлік басқармасына берілді. Басшылық қызметкерлерге 9 жолаушылар автобусы мен 10 автоцистернаның кілтін табыстады. Айта кету керек, Отандық автоөнеркәсіпті қолдау мақсатында Қазақстанда құрастырылған «Shahman» маркалы жүк көліктері сатып алынды. Қызметкерлер көлік басқармасындағы оң өзгерістер үшін алғыс білдіріп, арнайы техникаларды қуана қабылдады.

«ҚБМ көлік саласын жаңғырту, оның ішінде автопаркті жаңарту мәселелері Директорлар кеңесінің отырысында талқыланды. Қабылданған шешім бойынша алдағы 3 жылда арнайы техниканы жаңарту жоспарлануда. Көріп отырғаныңыздай, ауқымды жұмыс белсенді басталды. Мұнда осы жұмысты жүзеге асыруға жедел, ашық және нәтижелі көмектескен арнайы жұмыс топтарының ерекше үлесін атап өткен жөн. Ағымдағы жылы жалпы жоспарға кірмейтін 45 бірлік жаңа арнайы техника пайдалануға берілді. Ең бастысы – нәтижелі жұмыс істеу, алға қойған мақсаттарға қол жеткізу және бір-біріне қолдау көрсету. Біздің күшіміз бірлікте екенін естен шығармайық», – деп атап өтті басқарма.

Бұдан бөлек, басшылық жұмыс бокстарындағы жөндеу процесімен, авто бөлшектер мен құралдарды жеткізу жағдайымен танысты. Көлік қызметкерлерімен әңгімелесу барысында Басқарма оларды жұмыс қарқынын сақтауға шақырып, келесі жылы автопаркті жаңғырту сәтті жалғасатынына сенім білдірді.