— место встречи корпоративных событий korporatıvtik qundylyqtar mekeni

Главная Новости Қаражанбас автопаркін жаңарту: 13 арнайы техника пайдалануға берілді

16 қараша 2023, 10:35 597

Қаражанбас автопаркін жаңарту: 13 арнайы техника пайдалануға берілді

«Қаражанбасмұнай» АҚ автопаркі 13 бірлік жаңа арнайы техникамен толықты. Технологиялық көлік департаментінің №1 өндірістік базасы қызметкерлеріне 10, №2 гаражға 3 цементтеуші агрегаттың кілті табысталды.

Бұл автопаркті жаңғырту және процестерді автоматтандыру жоспары аясында жүзеге асып жатқан жұмыстың жалғасы. Пайдалануға берілген цементтеуші агрегаттар ұңғымаларды жерасты күрделі жөндеу кезінде құбырлардың қысымын өлшеп, жер қабаттарына су айдау, цементтеу қызметтерін атқарады. Оған қоса ыстық және салқын сумен ұңғыма бөлшектерін жууға, құбырларды шаюға пайдаланылады.

«Әрбір көлік құралы өндіріс процесінде үлкен рөл атқарады. Сондықтан ескірген техникаларды жаңартудың маңызы орасан зор. Жаңа көліктерді пайдалану жұмысқа жаңа серпін бере отырып, өндіріс үздіксіздігін сақтау мүмкіндігін молайтады», - деді көлік қызметкерлері.

Айта кету керек, Қаражанбастың қос гаражына жыл басынан бері 140 техника берілді. Автопаркті жаңғырту жұмыстары алдағы уақытта да жалғасын табады.