16 қараша 2023, 11:31 1760

Қаражанбас кен орнынан алынған мұнай – битум өндірісі үшін таптырмас шикізат

Құрамында асфальт-шайырлы заттары мол Қаражанбастың ауыр мұнайы жоғары сапалы жол битумына қажетті гудрон өндіруге өте қолайлы.

Ақтау битум зауытына (CASPI BITUM) шикізатты бүгінде тек «Қаражанбасмұнай» АҚ («ҚазМұнайГаз» 50% және CITICRecourses 50%) жеткізетіні бекер емес.

ҚазМұнайГазға қарасты мұнай өндіруші кәсіпорындар мемлекеттік жол құрылысы жобаларын іске асырудың маңызын және еліміздің жол-құрылыс саласының битум өнімдеріне қажеттілігін ескеріп, шикізатты алдымен ішкі нарыққа жөнелтеді.