Қаражанбас кен орнында мұнаймен ластанған жерлерді қалпына келтіру жұмыстары аяқталды

2020 жылы «Қаражанбасмұнай» АҚ (ҚазМұнайГаздың еншілес кәсіпорны) сол аумақтарды қалпына келтіру жобасын қолға алды:

Теңіз жағалауындағы қойма: Каспий теңізінің жағасындағы мұнай қалдықтарының көлемі — 27 388 м³. Қалдықтар арнайы қауіпсіз алаңдарға көшіріліп, микробиологиялық ремедиация әдісімен тазартылды, одан әрі қойма аумағы тазартылған топырақты пайдалану арқылы қалпына келтірілді.

Үш жерүсті қойма: қалдықтардың жалпы көлемі — 31 719 м³. Қалдықтар кәдеге жарату кешеніне тасымалданды, онда микробиологиялық ремедиация және физика-химиялық өңдеу әдістерімен тазартылды. Қоймалар аумағы қалыпқа келтірілді.

Сонымен қатар, микробиологиялық ремедиация әдісі арқылы жалпы көлемі 303 674 м³ 246 мұнаймен ластанған учаскені қалпына келтіру жұмыстары жүргізілді.

Нәтижесінде Қаражанбас кен орнында төрт жыл ішінде 362 781 м³ аумақта тарихи ластанған мұнай қалдықтары жойылды.

Бұл жұмыстар 2019 жылдың 6 тамызында ҚР Экология, геология және табиғи ресурстар министрлігі мен «ҚазМұнайГаз» ҰК АҚ арасында қол қойылған меморандум шеңберінде орындалды, ол 2024 жылдың соңына дейін тарихи ластанған мұнай қалдықтарын түгендеу мен жоюды көздеді.

Микробиологиялық ремедиация — ластанған аумақтарды тазартудың экологиялық таза әдісі.