17 мамыр 2023, 08:28 1046

Қаражанбас мұнайшылары Азия чемионатына жолдама алды

Қаражанбастың қос мұнайшысы самбодан Қазақстан чемпионатында топ жарды. Спорт шеберлері арасында өткен жарыста бұрғылау және ұңғымаларды жерасты күрделі жөндеу департаментінің шебері Сәндібек Дүйсенбеков қола медальға ие болды. Ал технологиялық көлік департаментінің цементтеуші агрегат моторисі Бауыржан Есболаев алтын медаль қанжығалады.

Абай облысында өткен балуандар бәсекесінде еліміздің түкпір-түкпірінен 400-ден астам қатысушы бақ сынады. Олардың әрқайсысы жеңіс тұғырынан көріну үшін мықты дайындықпен келген. 45-49 жас көрсеткіші бойынша 64 келі салмақта боз кілемде белдескен Сәндібек Дүйсенбековке ІІІ орын бұйырды. Дәл осы салмақта 40-44 жас аралығындағы қатысушылар ішінен Бауыржан Есболаев шашасына шаң жұқтырмай, ел чемпионы атанды.

«Осылайша қаражанбастық мұнайшылар Азия чемпионатына жолдама алды. Олар маусым айында Астанада өтетін жарыста ел намысын қорғау үшін қызу дайындықты бастап кетті. ҚБМ басшылығы мен еңбек ұжымы атынан қос балуанды жеңісімен құттықтаймыз», – делінген ҚБМ баспасөз қызметінің хабарламасында.

Еще больше новостей на нашем telegram-канале , подписывайся и будь в курсе!

К списку статей Следующая статья