24 сәуір 2023, 16:30 1362

Қаражанбас мұнайшылары «Ең үздік ауылды» анықтады

Қаражанбаста ұлттық дәстүрді дәріптеп, жұмысшылардың бос уақытын тиімді өткізу мақсатында «Ең үздік ауыл» сайысы ұйымдастырылды. Жарысқа әртүрлі цехтардың еңбек ұжымы қатысып, өнерлерін ортаға салды.

Әр ауыл ән шырқап, қара жорға билеп, бесікке салу, балаға ат қою, құда түсу, қымызмұрындық сияқты қазақтың салт-дәстүрлерінен көрініс сахналады. Мұнайшылар өнерін қазылар алқасы бағалады.

Нәтижеге сәйкес, Қауіпсіздік және еңбекті қорғау бөлімі қатарластарынан оза шауып, «Ең үздік ауыл» атанды. Жүлдегерлер мен жеңімпаздарға сыйлық сертификаттары табыс етілді.