Қаражанбас мұнайшылары қаржылық сауаттылығын арттыруда

Қаржылық сауаттылықты дамыту компаниядағы стратегиялық міндеттердің аса маңызды бағыттарының бірі. Осыған орай еліміздің үздік бизнес-тренерлері екі күн ішінде мұнайшыларды жеке қаржылық жоспарлау, ақшаны басқару тетіктері, отбасылық бюджет құру және тағы басқа тақырыптар бойынша оқытады.

«Қазір біздің біліміміз қаржы нарығының заманауи талаптарына сай болуы тиіс. Қарапайым мысал, көп адам несие бойынша пайыздарды қалай есептеу немесе қаражатты қалай дұрыс жинау керектігін білмейді. Жеке бюджетті тиімді жүргізу, ақшаны дұрыс өңдеу және инвестициялау мүмкіндігі тек жеке әл-ауқаттың ғана емес, сонымен бірге жалпы әлеуметтік-экономикалық тұрақтылықтың факторы болып табылады. Сондықтан біз оқуға үлкен қызығушылықпен келдік», – деп атап өтті мұнайшылар.

Курс төрт сессиядан тұрады. Оқыту аяқталған соң мұнайшылар тәжірибе жүзінде қаржылық жоспарлауға дағдыланады. Қаржылық портфель қалыптастырып, ыңғайлы банк шарттарын таңдауды үйренеді, жинақтау және қаржылық мақсаттарға қол жеткізу құралдарын ала алады. Айта кету керек, оқуға ІІ вахта ауысымының қызметкерлері арасынан ниет білдірушілер де қатысады.