«Қаражанбасмұнай» басшылығы су тұшыту зауытының құрылысын тексерді

Қазір зауыттың негізгі ғимаратындағы металл құрылымдарын, қабырға панельдерін монтаждау, Бетон жұмыстары мен ішкі инженерлік желілерді орнату қарқынды жүргізіліп жатыр. Сондай-ақ, негізгі цехтің сүзу жабдықтары орнатылып, әртүрлі мақсаттағы төрт сорап ғимараты аяқталды, шламды сусыздандыру цехі салынды. Енді ішкі инженерлік желілерді жүргізу қалды.

«Әлемдік пандемиядан салдарынан ҚХР-нан жабдықтарды жеткізудің кешігуіне байланысты жұмысты аяқтап, нысанды пайдалануға беру мерзімі өзгерді. Дегенмен, 40 бірлік автокөлік құралы және технологиялық жабдығы бар темір жол вагондары кешігіп жеткізілді. Қажетті жабдықтарды жеткізу жұмыстары әлі де жалғасып жатыр. 2021 жылдың шілде айында зауытты сынақ режимінде іске қосуды жоспарлап отырмыз», - деп атап өтті мердігер мекеме өкілдері.

​Айта кетейік, ПК-1 және ПК-3 іске қосу кешенінің құрылысы аяқталуға жақын. ПК-1 іске қосу кешені бойынша «Павлодарпромстрой» ЖШС мердігерлері жалпы ұзындығы 10,2 км болатын екі сорап станциясы мен құбыр желілерінен тұратын құрылыс-монтаждау жұмыстарын аяқтады. Алайда, ҚБМ басшылығы жұмыс сапасының бірқатар талаптарға сай еместігін атап өтті. Нақтырақ айтсақ, құбырдың түйіскен жерінде су ағып кету қаупі анықталды. Соған сәйкес Басқарма мүшелері олқылықтың орнын толтыру мерзімін белгілеп, мердігер мекеме жұмысшылары кемшіліктерді жоюға кірісті.

Одан соң ҚБМ басшылығы ПК-3 іске қосу кешеніндегі жағдаймен танысты. Мұнда Oil Construction Company ЖШС ұзындығы 10,7 км құбыр салды. Қазіргі таңда бұл аумаққа гидросынақ жүргізіліп жатыр.

Тұтастай алғанда зауыт құрылысы бойынша жұмыстың жалпы көлемі 45%-ға аяқталып тұр. Пандемияға кезінде шекарадағы жабдықты жеткізу қиындық туғызса да, құрылыс жалғасып, зауытты белгіленген мерзімге дейін іске қосу үшін барлық жағдай жасалып жатыр. Тексеру қорытындысына сәйкес, ҚБМ басшылығы мердігерлерге жоғары сапа стандарттары мен өндірістік нысандарды пайдалануға беру мерзімін қатаң сақтауды тапсырды.