Главная Новости Қаражанбасмұнай геологтары жас зерттеушілерге сый жасады
05 ақпан 2021, 10:11 970

Қаражанбасмұнай геологтары жас зерттеушілерге сый жасады

Қаражанбасмұнай геологтары жас зерттеушілерге сый жасады

Маңғыстауда Қазақстандағы геология ғылымын дамытып, дарынды оқушыларды даралайтын «Жас геолог» байқауы өтті. «Қаражанбасмұнай» АҚ геологтары дәстүрлі түрде ұйымдастырылатын сайысқа қолдау көрсетіп, өлкетану бағытында зерттеумен айналысып жүрген жасөспірімдерге 11 шатыр сыйға тартты.

Шатырлар оқушылардың экспедицияға шығып, зерттеу жүргізуі үшін қажет.

«Геология мамандығына кіретін он аталым бойынша өтетін жарыста 11 команда бақ сынап, арасынан үздік деп танылғанын республикалық, халықаралық жарыстарға жібереміз. Сайыс көктем мезгілінде, табиғат аясында өтетіндіктен көптеген құрал-жабдықтар қажет етіледі. Бізге қолдау көрсетіп, жасөспірімдерге осындай ақшатыр сыйлап жатқан «Қаражанбасмұнай» АҚ геологтарына көп рақмет», – деп алғысын білдірді облыстық балалар мен жасөспірімдер туризмі орталығының қызметкері Орынбасар Тоқжанов.

Компания геологтары шатырлардан бөлек, жас ғалымдардың зерттеуіне қажетті кеңсе тауарларын да табыстады. Мектеп кезінен осы салаға қызығушылық танытқан шәкірттер алдағы уақытта өмірлік бағытын осы арнаға бұрып, өңірге қажетті мамандар қатарын толықтыратынына сенімді.

«Өзіміз геолог болғандықтан зерттеу жұмыстарының қалай жүретінін білеміз. Сондықтан жас зерттеушілерді қолдайық деп шештік. Біздің мақсатымыз - туған жерді сүйіп, оның жер асты байлығына құрметпен қарауға шақыру. Жарысқа қатысушыларға сәттілік тілейміз», – деді «Қаражанбасмұнай» АҚ Бас геологы Ержан Қадыров.

Қоғам геологтары өз жолын жалғайтын жастарға құрметпен қарайды. Сондықтан алдағы уақытта да ізбасарларына қолдау көрсетуге дайын.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: