Қаражанбасмұнай халықаралық стандарт сертификаттарын алды

Стратегиялық маңызды қадам компанияға сапа, еңбекті қорғау, өнеркәсіптік қауіпсіздік және қоршаған ортаны қорғау саласын дамыту бойынша жаңа деңгейге шығуға мүмкіндік береді. Сертификаттау басқару жүйелерін интеграциялау процесін дамытудың корпоративтік стратегиясы бойынша басталып, олар заңнама талаптары мен халықаралық тәжірибелерге сәйкес келетіндігін дәлелдеді.

МИЖ-ін енгізуге және тиісті құжаттарды алуға ҚБМ аса жауапкершілікпен қарады. Бұл салмақты шешім және тұрақты дамуға арналған кешенді жұмыс, деп атап өтті басшылық. Айта кетейік, тәуекел-менеджментінен бөлек, ішкі аудит бойынша 23 қызметкер оқытылып, олардың арасынан арнайы ішкі аудит тобы іріктелді.

Ауқымды жұмыс нәтижесінде 2022 жылдың 21-25 қараша аралығында құрылымдық бөлімшелерде және Қаражанбас кен орнында сертификаттау органының өкілдері критерийлерді бағалау, қызметкерлермен әңгімелесу, құжаттаманы талдау, жұмыс орындарындағы процестер мен операцияларды тікелей бақылау арқылы сыртқы аудит жүргізді.

Интеграцияланған жүйе компанияның барлық материалдық және физикалық тәуекелдері бір ортаға шоғырланғанын білдіреді. Ол біртұтас тәсіл мен әдістің арқасында өндірістегі қауіпсіздік мәдениетінің деңгейін арттыру, процестердің тиімділігі мен ашықтығын қамтамасыз ету есебінен шығындардың туындау қаупінің деңгейін төмендету, аудит сапасының деңгейін арттыру, ЕҚ, ДҚ және ҚОҚ процестерін басқару деңгейін көтеруді қамтамасыз етеді.