06 маусым 2023, 09:50 964

Қаражанбасмұнай қызметкерлері қоршаған ортаға қамқор

«Қаражанбасмұнай» АҚ «Жас маман кеңесі» мүшелері мен Еңбекті қорғау, қауіпсіздік техникасы және қоршаған ортаны қорғау департаменті қызметкерлері өткен демалыс күндері ауқымды экологиялық сенбілікке шықты. Мұнайшылар бастамасына қолдау көрсету мақсатында Yessenov University студенттері қатарға қосылды.

Мұнайшылар сенбілік өткізу үшін облысымыздағы көрікті жерлердің бірі – «Голубая бухта» жағалауын таңдады. Қолына күрек, тырма және т.б. қажетті құралдар алған 90-нан астам белсенді аталмыш учаскені ұйымшылдықпен, мұнтаздай таза етті.

«Табиғатты қорғау – әр адамның міндеті. Экологиялық акциялардың трендке айналғаны және көпшіліктің осындай бастамаларды қолдауы көңіл қуантады. Бірлескен күш-жігер арқасында біз үлкен шараны ойдағыдай өткіздік», - деп атап өтті қаражанбастықтар.

Жігерлі жастар күшімен пластикалық бөтелкелерден бастап, автомобиль шиналарына дейін 10 тоннадан астам қоқыс жиналды. Арнайы техникаға тиелген қатты қалдықтар қоқыс полигонына жіберілді.

Еще больше новостей на нашем telegram-канале , подписывайся и будь в курсе!

К списку статей Следующая статья