24 тамыз 2023, 09:30 1470

Қаражанбасмұнай «Мектепке жол» акциясына үлес қосты

«Қаражанбасмұнай» АҚ жыл сайын дәстүрлі түрде өтетін республикалық «Мектепке жол» акциясына үлес қосты. Мұнайшылар жаңа оқу жылы қарсаңында түпқарағандық көп балалы және әлеуметтік аз қамтылған отбасы перзенттеріне оқуға қажетті құрал-жабдықтар толы сөмке сыйлады.

Су жаңа жабдықтар балалардың оқуға құштарлығын арттыра түсті. Шәкірттер дәптерлер мен қаламдар, түрлі бояу, қарындаштар мен сурет альбомдары және өзге де құралдармен толыққан сөмкені қуана қабыл алды. Сондай-ақ олар сабақты үздік оқып, тәртіпті болуға уәде берді.

«ҚБМ тек өндіріс емес, өңіріміздегі барлық саланың дамуына ерекше көңіл бөледі. Бүгінгі шәкірт – ертеңгі ел тұтқасын ұстар азамат. Сондықтан олардың арасында болашақ мықты мамандар отырғанына кәміл сенеміз. Зейіндеріңіз ашылып, жетістіктеріңіз еселене берсін», – деді ҚБМ әлеуметтік саясат және мердігер ұйымдармен өзара іс-қимыл департаменті директорының орынбасары Марат Себасов.