«Қаражанбасмұнай» мұнайшысы: Жаңа цех ашылып, жұмыс жандана түсті

Абай Оразбаев 30 жылға жуық уақыт ішінде мансап сатысымен қарапайым оператордан №2 мұнай өндіру цехының (№2 МӨЦ) шеберіне дейін көтерілді. Өткен жылы №3 МӨЦ ашылғаннан кейін, ол теориялық және практикалық білімін пайдалану үшін жаңа цехқа жетекші инженер ретінде жіберілді. №3 МӨЦ-ның ашылуы технологиялық процестерді оңтайландырып, жұмыс сапасын арттыратын және өндірісті жеңілдететін жаңа энергия толқыны сияқты әсер етті, дейді кәсіби маман.

«Бұрын мен №2 МӨЦ -да жұмыс істеген кезде біздің қарамағымызда 2000-нан астам ұңғыма болды. Жаңа цехтың ашылуы бүкіл өндіріске жаңа серпін берді, жұмыс процесі айтарлықтай жеңілдеді, жүктеме мен күш тиімділігі оңтайландырылды. Сондықтан біз әрі қарай да нәтижелі еңбек етуіміз қажет. Менің жастық жылдарым Қаражанбаста өтті. Бұл жерде мен кәсіби тұрғыда өстім, ұйымшыл ұжымға қосылып, болашаққа деген сенімім нығая түсті», – деп атап өтті Абай Оразбаев.

Кейіпкерімізге жұмыста да, отбасында да үлкен жауапкершілік жүктелген. Көп балалы әке перзенттерін еңбекқорлық пен адал болуға тәрбиелеп келеді. Оның өмірлік ұстанымы - «Не істесең де, атыңа кір келмейтіндей етіп істе». Бұл жауапкершілік пен кәсібилік аса маңызды мұнай саласы үшін ең басты ұран саналады.