«Қаражанбасмұнай» өрт қауіпсіздігі талаптарына сай

Барлық нысандарда жүргізілген тексеру жұмыстарына өрт сөндіру кезінде алғашқы көмек көрсету құралдары пайдаланылды. Оқу-жаттығу барысында кен орнында үздіксіз жұмысты материалдық-техникалық қамтамасыз ету, электр энергиясымен жабдықтау, құтқару жұмысының күшін жедел басқаруға дайындық және төтенше жағдайлар кезінде басқа да шұғыл жұмыстарды жүргізу қорының саны мен сапасы тексерілді.

Сонымен қатар, елімізде өрт жағдайының жиілеуіне байланысты Қаражанбасмұнайгазда оның алдын алу және болдырмау бойынша бірқатар іс-шаралар жүзеге асырылды. Кен орнындағы барлық цехтар мен орталық кеңседе өрт қауіпсіздігі шаралары бойынша нұсқаулық өткізілді.

«Аталған жұмыстарға қоса, әкімшілік және өндірістік объектілердің аумағын тексеру, 80-нен астам өндірістік учаскелерде, тұрмыстық және кеңсе үй-жайларында электр сымдарын оқшаулау кедергісіне тексеру және сынақ жүргізілді», – деді қауіпсіздік, еңбекті қорғау және қауіпсіздік техникасы қызметінің аға инженері Марат Ақжанов.

Жүргізілген тексеру нәтижелері бойынша Қаражанбас кен орнындағы объектілер мен әкімшілік кеңселер өрт қауіпсіздігінің талаптарына сай екені расталды.