20 сәуір 2023, 16:35 1792

Қаражанбасмұнай вахтасындағы ауызашар

Қасиетті Рамазан айында ораза ұстау қандай сауапты іс болса - ауызашар беру де сондай сауабы мол амал. Осыған орай, Қаражанбас кен орнындағы асханаларда І вахта мұнайшыларына кең дастархан жайылып, қасиетті айда ораза тұтқан компания басшылығы мен еңбек ұжымы ауыз ашты.

Жиналғандарға Рамазан айының қасиеті, бұл айдағы жақсылық пен қайырымдылық істерінің еселенетіндігі, бірлік бар жерде береке болатыны жайында насихат сөздері мен дұға тілек айтылды.

«Ұжымдық ауызашарға бір үйдің баласындай жиналуымыздың өзі көңілге қуаныш ұялатады. Бұл рухани тазаруға және жан-жақты дамуға ықпал ететін, сабырлылық пен байсалдылық сынды құндылықтарды дәріптейтін ерекше ай. Рамазанда жасалған игі істер жыл бойы жалғасын таба берсін!»,- деп атап өтті компания басшылығы.