Главная Новости «Қаражанбасмұнайда» автокөлік жүргізушілері марапатталды
15 қаңтар 2022, 09:33 265

«Қаражанбасмұнайда» автокөлік жүргізушілері марапатталды

«Қаражанбасмұнайда» автокөлік жүргізушілері марапатталды

«Қаражанбасмұнай» АҚ басшылығы технологиялық көлік басқармасының және «Мобил Сервис Групп» ЖШС жұмысшыларымен кездесті. Кездесу барысында ағымдағы жұмыс мәселелері талқыланып, пікірлер мен ұсыныстар тыңдалды.

ҚБМ Бас директорының бірінші орынбасары Қуанышбай Нұрғалиев компаниядағы көлік қызметінің маңыздылығын атап өтіп, жүргізушілерге апатсыз және үздіксіз жұмысты қамтамасыз еткені үшін алғыс айтты. Сондай-ақ 30-ға жуық автокөлік жүргізушісіне ҚБМ Басқармасы атынан қажырлы және жемісті еңбегі үшін алғыс хаттар мен Құрмет грамоталары табыс етілді.

«Сіздер күн сайын кен орнына және қала ішінде жұмысшыларды тасымалдап, жауапты қызмет атқарасыз. Біз көлік жүргізу кезінде барлық ережені сақтап, өзгелерге үлгі болатын сіздер сияқты мамандарға зор сенім артамыз. Елдегі соңғы оқиғалар кезінде де сіздер жұдырықтай жұмылып, мұнайшыларды вахтаға дер кезінде тасымалдадыңыздар. Ұжым мен өз ісіңізге деген адалдығыңыз үшін алғыс білдіреміз, әр сапарыңыз сәтті болсын», – деп атап өтті ҚБМ басшылығы.

Орталық кеңсе мен кен орнында 1 300-ге жуық жүргізуші (2 вахта бойынша) жұмыс істейді. Олардың 90-ға жуығы вахта жұмысшыларын қала мен ауылдық жерлерден кен орнына тасымалдайды. Жүргізушілердің әрқайсысы адами қасиеттерді бойға сіңірген кәсіби мамандар. Сондықтан мұндай қызметкерлерге жұмысшылардың қауіпсіздігін сеніп тапсыруға болады.

«Кәсібилік жұмыс кезінде туындаған қиын сәттерде сыналады. Расында мұндай сәтте әрекет ету қауіпті және қорқынышты. Дегенмен істің басы-қасынан табылып, бізге қолдау көрсеткен ҚБМ басшылығының арқасында біз мұнайшыларды діттеген жерімізге аман-есен жеткізе алдық. Еңбегіміздің бағаланғанына өте қуаныштымыз», – дейді жүргізушілер.

ТКБ қызметкерлері үлкен ұжымның маңызды бөлігі. Олар «бір жағадан бас, бір жеңнен қол шығара» отырып, кәсіби шеберліктері мен бірлік арқасында өздеріне жүктелген міндетті жауапкершілікпен атқара білді.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: