21 қараша 2024, 14:30 1120

Қаражанбасмұнайда тұлғалық даму тренингі өтті

«Қаражанбасмұнай» АҚ «Жас маман кеңесі» мүшелері «Жетістік синергиясы» тұлғалық даму тренингіне қатысты. Мұнайшылар қаржылық сауаттылық деңгейін көтеру, ұжымдық және рухани мәдениетті қалыптастыру, бала тәрбиесі негіздері, сондай-ақ салауатты өмір салтын насихаттау бағыттары бойынша білімін нығайтты.

Жас мамандарға тұлғалық даму спикері Ерлан Қалиев дәріс оқыды. Олар алдымен қаржылық сауаттылық негіздері бойынша кейстерді талқылады. Сондай-ақ кірісті тиімді жұмсау стратегиялары және қарыздан құтылу техникаларымен танысты.

Бұдан соң тренер қатысушыларға ұжымда берік қарым-қатынас құру мен әріптестер арасындағы мәдениет туралы ақпарат берді. Бала тәрбиесі тақырыбы да назардан тыс қалмады. Ұл-қыздарға физикалық, зияткерлік, эмоционалдық, рухани тәрбие беру кезінде ата-ана жіберетін қателіктер талданды.

Тренингте әр тақырып бойынша фильмдерден үзінділер мен бейнероликтер көрсетіліп, мысал келтірілді. Жас мамандар пікірін ортаға салып, IQ ойын ойнап, тәжірибе тапсырмаларын орындадауға белсенді атсалысты.