Қаражанбасмұнайда волейбол турнирінің бірінші тоқсаны мәреге жетті

Финалдық бәсекеде бұған дейінгі кезеңдерде мықты ойынымен ерекшеленіп, ұпай санымен басым түскен қос команда кездесті. Пайдалану жабдықтарын икемдеу-жөндеу цехы (ПЖИЖЦ) мен №3 мұнай өндіру цехы (№3 МӨЦ) командалары чемпион атану үшін ерекше дайындықпен келген. Олар бұл жолы да бәсекеге толы ойын көрсетіп, тың әдістерімен, жарқын голдарымен жанкүйерлердің қолдау-қошеметіне ие болды.

Қорытындыға сәйкес, ПЖИЖЦ командасы 2:0 есебімен жеңіске жетті. Ал тоқсандық нәтиже бойынша ардагерлер командасының ойыншысы Исладдин Байсегізов – «Үздік қорғаушы», ПЖИЖЦ командасының ойыншысы Демеу Мырзабеков – «Үздік байланыстырушы», №3 МӨЦ командасының ойыншысы Жомарт Әскербаев – «Үздік шабуылшы» атанды. Марапаттау рәсіміне қатысқан өндірістік басқарма директоры Кәрім Бозахаров жеңімпаздарды құттықтап, ауыпалы чемпиондық кубок пен кәсіподақ ұйымы атынан сыйлық сертификаттарын табыс етті.

Айта кетейік, турнирдің келесі кезеңдері жыл соңына дейін жалғасын табады.